უკრაინის ბრძოლა ნაცისტურ გერმანიასთან ჩვენს ომს ჰგავს, – ამის შესახებ უკრაინაში მყოფმა ბრიტანეთის პრემიერ-მინისტრმა, ენდი ბერნემმა განაცხადა. კიევში, წმინდა სოფიას საკათედრო ტაძრის წინ უკრაინის დამოუკიდებლობის 35-ე წლისთავის აღსანიშნავ ღონისძიებაში მონაწილეობისას მან პირობა დადო, რომ ზამთრის წინ ლონდონი კიევს საჰაერო თავდაცვის გაძლიერებაში დაეხმარება.
„მიუხედავად რუსეთის მხრიდან ჩემი ქვეყნის მიმართ განხორციელებული აღმაშფოთებელი მუქარისა, ჩვენ გავაგრძელებთ უკრაინის მხარდაჭერას. ეს არის მომენტი, რომ გავაგრძელოთ ზეწოლა რუსეთზე, მომენტი, რომ შევზღუდოთ მათი შესაძლებლობები ამ უკანონო ომის დასაფინანსებლად“, – განაცხადა ბრიტანეთის პრემიერ-მინისტრმა.
ენდი ბერნემმა ასევე აღნიშნა, რომ უკრაინელი ხალხი ბრიტანეთის მუდმივ მხარდაჭერას და მადლიერებას საჭიროებს.
„უკრაინელი ხალხის ძალა ჭეშმარიტად საოცარია. უკრაინა არის ევროპის დამცველი, არა ჩვენი უსაფრთხოების დამშლელი, არამედ ევროპის უსაფრთხოების ფრონტის ხაზი. უკრაინელი ხალხი იმსახურებს არა მხოლოდ ჩვენს მუდმივ მხარდაჭერას, არამედ ჩვენს მადლიერებას და პატივისცემას“, – აღნიშნა ბერნემმა.