გიგა ავალიანის საქმეზე გიორგი მალანიას პროცესი მიმდინარეობს. პროცესს ეკა კუპატაძე ესწრება. გიორგი მალანიას გიგა ავალიანის ჯანმრთელობის ჯგუფურად, განზრახ მძიმე დაზიანებაში დახმარებას ედავებიან.
„სავარაუდოდ, მოსამართლე განიხილავს გამოყენებული აღკვეთის ღონისძიების პატიმრობის გადასინჯვას. ბუნებრივია, დაცვის მხარეს აქ კიდევ ერთხელ გვექნება შუამდგომლობა, რომ მის მიმართ გამოყენებული აღკვეთის ღონისძიება, პატიმრობა გაუქმდეს“, – განუცხადა ჟურნალისტებს გიორგი მალანიას ადვოკატმა, ლაშა ცუცქირიძემ.
„დღევანდელ სასამართლო პროცესზე არ დავიკითხები როგორც მოწმე. უბრალოდ, ჩემი პოზიცია უნდა დავაფიქსირო. ჩემი ჩვენება უდავოდ ჩათვალეს, მაგრამ უდავოა ის ფაქტიც, რომ ეკა კუპატაძის სიტყვის ეშინიათ. ძალიან კარგად იციან მალანიებმა, რომ ნია იმნაძემ ალექსანდრე გაბაშვილს, გიორგი მალანია გააცნო მას შემდეგ, რაც გიგა ავალიანზე თავდასხმა დაიგეგმა. არავის მივცემ უფლებას, რომ შვილებმა უდანაშაულო ადამიანი მოკლან და მამებმა ეს ნორმად აქციონ“, – აღნიშნა გიგა ავალიანის დედამ, ეკა კუპატაძემ.