ბარსელონაში მომხდარი ტერაქტი დაგმო აშშ-ის პრეზიდენტმა დონალდ ტრამპა, რომელმაც აღნიშნა, რომ შეერთებული შტატები ესპანეთის დასახმარებლად ყველაფერს გააკეთებს.
“აშშ გმობს ბარსელონაში განხორციელებულ ტერორისტულ თავდასხმას და დასახმარებლად გააკეთებს ყველაფერს, რაც საჭიროა. იყავით მტკიცე და ძლიერი, ჩვენ გვიყვარხართ”, – წერს ტრამპის ტვიტერში.
ევროკომისიის პრეზიდენტი ჟან კლოდ იუნკერი ბარსელონაში მომხდარ ტერაქტთან დაკავშირებით აცხადებს, რომ ევროპა არასდროს შეუშინდება ასეთ ბარბაროსობას.
ბარსელონაში მომხდარ ტერაქტს დიდი ბრიტანეთის საგარეო საქმეთა მინისტრიც გამოეხმაურა, რომელმაც მომხდარის გამო შეშფოთება გამოხატა.
ტერაქტის შედეგად გარდაცვლილთა გამო მწუხარება გამოთქვა საქართველოს პრემიერ-მინისტრმა გიორგი კვირიკაშვილმა.
ესპანური მედია ბარსელონას ტერაქტში ეჭვმიტანილის დაკავების შესახებ ინფორმაციას ავრცელებს. ტვიტერზე, სავარაუდო ეჭვმიტანილის დაკავების ამსახველი ვიდეოც ვრცელდება.
ბოლო ინფორმაციით, ტერაქტის შედეგად დაღუპულია 13 ადამიანი, ხოლო 50 დაშავდა. ეჭვმიტანილის ვინაობა უკვე ცნობილია, ის დრის უკაბირია.
ბარსელონაში, რამბლის ქუჩაზე, სატვირთო მანქანის მძღოლი ფეხით მოსიარულეებს დაეჯახა.
ტერაქტის დროს, მიმდებარე ტერიტორიაზე საქართველოს ორი მოქალაქეც იმყოფებოდა.
საქართველოს საგარეო საქმეთა სამინისტრო ბარსელონაში მომხდარ ტერაქტთან დაკავშირებით საკონსულოს ცხელ ხაზს აქვეყნებს: +34687661274.