თურქეთის არმიამ „ისლამური სახელმწიფოს“ 5 ტერორისტის განეიტრალება მოახერხა, რომლებიც თურქეთის საზღვრის გადაკვეთას ცდილობდნენ, – ამის შესახებ თურქეთის პრემიერ-მინისტრმა ბინალი ილდირიმმა განაცხადა.
გაზეთი Hurriyet -ის ცნობით, პრემიერს არ დაუკონკრეტებია, ტერორისტები დააკავეს თუ მოკლეს.
მანამდე თურქულ მედიაში გავრცელდა ინფორმაცია, რომ პროვინცია ჰატაის პოლიციამ „ისლამურ სახელმწიფოსთან“ დაკავშირებული 5 პირი დააკავა. მათგან ერთი დაჭრეს, რომელიც მოგვიანებით გარდაიცვალა.
კომენტარები