ყვარლის რაიონის სოფელ შილდაში ხანძრის ჩაქრობისას მეტყევე დაშავდა. როგორც „ინტერპრესნიუსს” ეროვნული სატყეო სააგენტოს ხელმძღვანელმა თორნიკე გვაზავამ განუცხადა, მეტყევის მიერ მიღებული დაზიანებები მსუბუქია და მას დახმარება ადგილზევე გაეწია. მისივე თქმით, დაშავებულს თითები აქვს დაზიანებული.
რაც შეეხება ხანძარს, თორნიკე გვაზავას ინფორმაციით, შილდაში ცეცხლი ლოკალიზებულია და ცოცხალი ძალა დილიდან სალიკვიდაციო სამუშაოებს განაახლებს.
„შილდასა და ართანაში დაახლოებით 2-3 ჰექტარი ბუჩქნარია დამწვარი. შილდაში ხანძარი ლოკალიზებულია და დილიდან სალიკვიდაციო სამუშაოები დაიწყება, ართანში კი ბოლომდე ლოკალიზებული არ არის ხანძარი. მეხანძრე-მაშველები ადგილზე რჩებიან”, – აღნიშნა ეროვნული სატყეო სააგენტოს ხელმძღვანელმა თორნიკე გვაზავამ.
კომენტარები