“10 ივლისს სოხუმში ოპოზიციის მოთხოვნით, ვადამდელ ე.წ. საპრეზიდენტო არჩევნებთან დაკავშირებით რეფერენდუმი ჩატარდება. განკარგულებას ხელი დე ფაქტო პრეზიდენტმა რაულ ხაჯიმბამ უკვე მოაწერა. აფხაზეთის უშიოშროების ექსმინისტრის, ლევან კიკნაძის აზრით, ხალხის სურვილს გადაწონის იმ ჩინოვნიკების და გავლენიანი წრეების სურვილი, რომლებსაც სურთ, რომ ხაჯიმბა ისევ იყოს ამ თანამდებობაზე. ცნობისთვის, რეფერენდუმის ჩატარების ინიციატორი ადგილობრივი ოპოზიცია იყო. როგორც რაულ ხაჯიმბამ განაცხადა, მან ვადამდელი “არჩევნების” დანიშვნის შესახებ რეფერენდუმის ჩატარების გადაწყვეტილება სტაბილურობის შესანარჩუნებლად მიიღო“, – წერს გაზეთი “რეზონანსი” სტატიაში, სათაურით აფხაზეთში “პრეზიდენტის” გადასაყენებლად რეფერენდუმი დაინიშნა/ ერთი თვის შემდეგ სოხუმში, შესაძლოა, “ხავერდოვანი გადატრიალება” დაიწყოს.
“რეფერენდუმის ჩატარების ინიციატორები ელოდნენ არა დადებით შედეგს, არამედ იმას, რომ რეფერენდუმის ჩატარებაზე უარს მიიღებდნენ. ისინი იმედოვნებდნენ, რომ ამ გადაწყვეტილებას ქვეყანაში ვითარების დესტაბილიზაციისა და შიდაპოლიტიკური სიტუაციის გამწვავებისთვის გამოიყენებდნენ”, – განაცხადა ხაჯიმბამ. აუცილებელია თუ არა ვადამდელი არჩევნები? – აფხაზეთის მოსახლეობამ რეფერენდუმზე ამ კითხვას უნდა გასცეს პასუხი. როგორც “ცესკოში” აცხადებენ, ბიულეტენები აფხაზურ და რუსულ ენაზე დაიბეჭდება. საარჩევნო უბანი უშუალოდ აფხაზეთის ტერიტორიის გარდა, მოსკოვშიც გაიხსენბა. დე ფაქტო ვიცე პრემიერის შამილ აძინბას თქმით კი, ეს რეფერენდუმი “კონსტიტუციასთან” წინააღმდეგობაში მოდის, რადგან “ვადამდელი არცევნების” ჩატარება მხოლოდ იმ შემთხვევაშია შესაძლებელი, თუ “პრეზიდენტი” საკუთარი სურვილით გადადგა, გარდაიცვალა ან “პარლამენტმა” იმპიჩმენტი მოუწყო”, – აღნიშნავს გამოცემა.
“აღსანიშნავია, რომ 2 მარტს საინიციატივო ჯგუფმა, რომლის შემადგენლობაშიც აფხაზეთის ოპოზიციური ძალების ნაწილია გაერთიანებული , აფხაზეთში “ვადამდელი საორეზიდნეტო არჩევნების” ჩატარებაზე რეფერენდუმის მოთხოვნით “ცენტრალურ საარჩევნო კომისიას” მიმართა. სეპარატისტთა კანონმდებლობით, საინიციატივო ჯგუფს ორი თვის განმავლობაში მინიმუმ 10 ათასი ხელმოწერა უნდა შეეგროვენბინა. ოფიციალური ინფორმაციით, 19 ათასი ხელმოწერა შეგროვდა. შეძლებს თუ არა უფლებამოსილების გაგრძელებას ხაჯიმბა 2019 წლამდე – ეს ერთ თვეში გაირკვევა. აფხაზეთის უშიშროების ექსმინისტრი ლევან კიკნაძე ამ ეტაპზე ვითარების გამწვავებას არ ელის. “ჩემი დაკვირვებით, ამ სვლით ხაჯიმბას იმიჯი გაუმჯობესდა. რეფერნდუმის ჩატარების გადაწყვეტილება ისე აღიქმება, რომ ხაჯიბმა რისკს არ უშინდება და დარწმუნებულია თავის ძალაში. “სხვათა შორის, ასეთი გადაწყვეტილება თვითონ კრემლსაც აწყობს, რომელიც აშკარად უჭერდა მხარს იმ “არჩევნებში” ხაჯიმბას და ახლაც არ არის ისე განწყობილი ხაჯიმბასადმი, როგორც ანქვაბის მიმართ, რადგანაც თუ მოსკოვის ნება არ არის, იქ პრეზიდენტს ვერ დანიშნავენ. ასე რომ, ვფიქრობ, ხაჯიმბა ამ პოსტს შეინარჩუნებს”, – ამბობს გამოცემასთან საუბრისას კიკნაძე. მისი თქმით, აფხაზეთში, როგორც წესი, ე.წ. პრეზიდენტებს არასდროს არ აქვთ დიდი რეიტინგი”, – წერს სტატიის ავტორი.
” ე.წ. პრეზიდენტები, როგორც წესი, ხალხის დავალებას არ ასრულებენ, ამიტომ მათ ყოველთვის აკრიტიკებენ. რაც შეეხება გადაყენება-არგადაყენების საკითხს, აქ უკვე ხალხის სურვილს გადაწონის იმ ჩინოვნიკების და გავლენიანი წრეების სურვილი, რომლებსაც სურთ, რომ ხაჯიმბა ისევ იყოს ამ თანამდებობაზე, იმიტომ, რომ ეს დამოკიდებულია კრემლის გუნება განწყობაზე”, – ამბობს კიკნაძე. მისი თქმით, ვითარება მხოლოდ იმ შემთხვევაში გამწვავდება, თუ “რეფერენდუმის” შედეგები ტოტალურად გაყალბდა. ” ე.წ. ოპოზიციას უნდოდა და არ გამოუვიდა. ალბათ გააგრძელებს კრიტიკას, გამოსვლებს, მაგრამ სხვა ფორმით. იმიტომ, რომ “რეფერენდუმმა” თუ ეს გადაწყვეტილება მიიღო, რაღა ექნებათ სათქმელი?! მაგრამ თუ ეს “რეფერენდუმი” გაყალბდა, ამ შემთხვევაში იქ სიტუაცია გამწვავდება. თუმცა, როგორც წესი, იქ “არჩევნები” იმ დონემდე არ ყალიბდება რომ ამას დიდი მნიშვნელობა ჰქონდეს”, – განაცახადა კიკნაძემ.”სტარტეგიული კვლევების კავკასიური ცენტრის” ხელმძღვანელს, მამუკა არეშიძეს კი რეფერენდუმის წინასწარი შედეგების პროგნოზურება უჭირს. მისი თქმით, საპროტესტო ნოტა ძალიან მაღალია, მაგრამ პროტესტში აფხაზური საზოგადოების საკმაოდ სერიოზული ნაწილი არ მონაწილეობს”, – განაგრძობს გამოცემა.
“თუ დადებითი პასუხი იქნა – დაინიშნება რიგგარეშე “არჩევნები” და კანდიდატებიც მერე გამოჩნდებიან. მე პირადად მიჭირს პროგნოზის გაკეთება. დღეს საპროტესტო ნოტა ძალიან მაღალია, მაგრამ პროტესტში არ მონაწილეობს აფხაზური საზოგადოების საკმაოდ სერიოზული ნაწილი და არც იქ მცხოვრები ქართველები და სომხები. ამიტომ რთული სათქმელია, რა შედეგით დამთავრდება. ხაჯიმბას რეიტინგი საკმოდ დაბალია, მაგრამ ესქტრემალურ სიტუაციაში ნათესაური, მეგობრული კლანური დამოკიდებულება აქტიურად მუშაობს. რომ დაინახავენ ხაჯიმბას საფრთხე ელის, მოქმედებას დაიწყებენ და რეიტინგიც შეიცვლება”, – განაცხადა არეშიძემ და დასძინა, რომ მარცხის შემთხევავში ოპოზიცია ვითარების გამწვავებას არ ეცდება”, – დასძენს გამოცემა.