გიორგი მარგველაშვილმა ევროკავშირის ელჩებს საქართველოში ვიზიტისათვის ბრიუსელის აღმოსავლეთ პარტნიორობის სამიტისათვის მზადების პროცესში მადლობა გადაუხადა.
„ჩვენ ყველა ვაღიარებთ, იმისათვის, რომ საქართველო გახდეს ევროპული პროცესის სრულუფლებიანი წევრი, ძალიან ბევრ ნათელ დაბრკოლებას ვხედავთ ჩვენი ჩრდილოელი მეზობლის – რუსეთის ფედერაციისაგან.
საქართველოს ტერიტორიების ოკუპაციით, რუსეთმა განიზრახა ძირითადად ერთი მიზნის მიღწევა – შეაფერხოს საქართველოს რეფორმები, დემოკრატიული პროცესი, საქართველოს ინტეგრაცია.
ვფიქრობ, ამ თვალსაზრისით, ერთადერთი სწორი გადაწყვეტა იყო კონტინენტის ეკონომიკური, პოლიტიკური, დემოკრატიული, კონტინენტის პროცესების გაძლიერებისაკენ მიმართული პოლიტიკის ჩამოყალიბება და იმ ყველა პრობლემური საკითხის გადაწყვეტისათვის საჭირო შესაძლებლობების დალოდება, რომელიც ჩვენს მეზობელთან გვაქვს, რომელმაც გადაწყვიტა თავისუფალი არჩევანის ამბიციისათვის საქართველოს დასჯა და საქართველოს განვითარების მოპარვა”, – განაცხადა გიორგი მარგველაშვილმა შეხვედრაზე.
გიორგი მარგველაშვილმა საქართველოს ყველა ევროპელ პარტნიორს ქვეყნის მტკიცე მხარდაჭერისათვისა და საქართველოსათვის თანამშრომლობის კარების ფართოდ გახსნისათვის მადლობა გადაუხადა.
„ვიმედოვნებთ, რომ ღიად იქნება დაგმობილი რუსეთის პოლიტიკა”, – აღნიშნა გიორგი მარგველაშვილმა.