კონგოში დატყვევებული ქართველი სამხედრო მფრინავის, სოსო ოსორაულის ოჯახის წევრები და მეგობრები დღეს, 13:00 საათზე საქართველოს საგარეო საქმეთა სამინისტროსთან აქციას გამართავენ. მათი მოთხოვნაა, სახელმწიფო კვლავ აქტიურად ჩაერთოს ქართველი მფრინავის შესახებ ზუსტი ცნობების დადგენაში.
ოჯახს აქვს კავშირი კონგოელ სამხედროებთან რომლებიც მისი დაღუპვის ცნობას არ ადასტურებენ და აცხადებენ, რომ ოსორაულს დახმარება სჭირდება. სწორედ ამიტომ მფრინავის ოჯახი პროტესტის ამ ფორმით სახელმწიფოსგან მოითხოვს რეაგირებას.
სოსო ოსორაულის სავარაუდო დაღუპვის შესახებ ინფორმაცია საგარეო საქმეთა სამინისტრომ მისი გაუჩინარებიდან 5 თვეში გაავრცელა. ქართველი მფრინავი ტყვედ 27 იანვარს ჩავარდა.
კომენტარები