“პარალელურ რეჟიმში რა გაყვირებს, გოგო“ – დაპირისპირება გია ვოლსკისა და სალომე სამადაშვილს შორის

თავდაცვისა და უშიშროების კომიტეტის სხდომაზე  2018 წლის ბიუჯეტის პროექტს განიხილავენ.

სხდომაზე უმრავლესობის წევრს გია ვოლსკისა და „ნაციონალური მოძრაობის“ წევრ სალომე სამადაშვილს შორის სიტყვიერი დაპირისპირება მოხდა.

„პარალელურ რეჟიმში რა გაყვირებს, გოგო“, – მიმართა ვოლსკიმ სალომე სამადაშვილს, რაზეც სალომე სამადაშვილმა უპასუხა, რომ ასე მან მიმართოს ვინმე სხვას, ”სახლში საკუთარი ოჯახის წევრებს”.

„პარლამენტის წევრმა ცოტა მეტი ზრდილობა უნდა გამოიჩინოთ“, – განაცხადა ვოლსკიმ. სალომე სამადაშვილმა კი კომიტეტის დარბაზი დატოვა.

სალომე სამადაშვილის ძირითადი კითხვები შეეხებოდა იმას, იგეგმება თუ არა ქვეყნის თავდაცვისუნარიანობის გაზრდა, ბიუჯეტის რა პროცენტი მოხმარდება სამხედრო ინფრასტრუქტურის შექმნასა და გაძლიერებას. მისივე თქმით, არანაირი საპარლამენტო ზედამხედველობის სისტემა არ მუშაობს თავდაცვის სამინისტროს მიერ განხორციელებულ შესყიდვებზე. გარდა ამისა, სალომე სამადაშვილის განცხადებით, აღმოჩნდა, რომ კრიზისის დროს საქართველომ დახმარება რუსეთს სთხოვა, რომელიც ამ ქვეყნისთვის მთავარ საფრთხეს წარმოადგენს. ამასთან, ოპოზიციონერმა დეპუტატებმა ნდობის ჯგუფი გააკრიტიკეს.