ნიკოლოზ მჟავანაძე პოსტს აქვეყნებს.
“ნაცების და ნაცმედიის შემყურე იფიქრებ რაღაც საშინელება ხდება თაბორის მთაზე და პუშკინის სკვერშიო, მაგრამ სინამდვილეში ხდება საპირისპირო რამ. წარმოებს არნახული მასშტაბის მშენებლობები და ყველაზე დიდი სარეკრეაციო ზონის შექმნა, რაც როგორც ჩანს მავანთ ძალზე აღიზიანებთ. პუშკინის სკვერში შენდება 7 ვარსკვლავიანი სასტუმრო, რომლის ჯამური ინვესტიცია 100 000 000 დოლარია. იქ არსებული და მოუწესრიგებელი ავტოსადგომის ნაცვლად კეთდება მიწისქვეშა ავტოსადგომი, რომლის ინვესტიციის მოცულობაა 1 000 000 ლარია. ეწყობა მიწისზედა ავტოსადგომიც და ჯამში ვიღებთ მინიმუმ 160 ერთეულ ავტოსადგომს. თაბორის მთაზე არსებულ 400 ათას კვადრატული მეტრზე ვრცელდება ინფორმაციები თითქოს 1 ლარად გადაეცა ბიძინა ივანიშვილის კომპანიას, რაც სრული აბსურდია. სინამდვილეში ეს ტერიტორია აუქციონზე, საბაზრო ღირებულებით არის შეძენილი და მასში თანხობრივად ათეულობით მილიონი დოლარის საინვესტიციო ვალდებულებები დევს. ასევე ტყუილია ის თითქოს თაბორის მთა მიბმულია ბოტანიკურ ბაღს. თაბორის პროექტი ბოტანიკური ბაღისგან გამიჯნულია 50 მეტრის სიმაღლის კლდით. თაბორის მთაზე არსებული მიწის ფართობი ამჟამად გახრიოკებულ და სავალალო მდგომარეობაშია და მისი კეთილმოწყობის შემდეგ გამწვანდება და რეკრეაციულ-დასასვენებელ სივრცედ მოეწყობა, რომელიც მოიცავს როგორც ველობილიკებს, ასევე ჩოგბურთისა და სპორტულ მოედნებს, ხელოვნურ ტბას, სასეირნო და სარბენ ბილიკებს და კიდევ უამრავ გასართობ საშუალებებს იქ ასული დამსვენებლებისთვის. ტერიტორიაზე გაკეთდება სადრენაჟო და საირიგაციო სისტემები, რომელთა ფუნქციონირებისთვის აუცილებელი ტექნიკური შენობების მშენებლობაც, რომელიც ბოტანიკური ბაღის წყლით მომარაგებას უზრუნველყოფს. ნებისმიერ წამყვან ევროპულ ქვეყანაში ამაყებდნენ ასეთი მასშტაბური პროექტებით და მადლობას ეტყოდნენ იმ პიროვნებას ვინც ამას აკეთებს, მაგრამ ჩვენში არის ქვეყნის მოღალატური პოლიტიკური ძალები რომლებსაც ხელისუფლებაში მოსასვლელად არ აწყობთ ის მშენებლობები და წინსვლა რომელიც ქვეყანას გააჩნია, ამიტომ თეთრს შავად ასაღებენ, წინსვლას კი უკუსვლას ეძახიან, არდგან თავად არიან უკუღმართები და მხოლოდ ნგრევაზე და რბევაზე ორიენტირებულნი”.