კონგოში დატყვევებული ქართველი მფრინავის ოჯახის წევრები და ახლობლები საქართველოს საგარეო საქმეთა სამინისტროსთან მორიგ აქციას მართავენ.
“შეიქმნას სპეციალური სამთავრობო ჯგუფი და ოჯახთან ერთად გაემგზავროს კონგოში”, – აცხადებენ აქციის მონაწილეები.
საქართველოს შეიარაღებული ძალების ყოფილი ჯარისკაცი და კონგოს სამხედრო ძალების მფრინავი ადგილობრივმა მეამბოხეებმა 27 იანვარს დაატყვევეს.
მფრინავის კვალს ამ დრომდე ვერ აგნებენ. ვრცელდება ურთიერთგამომრიცხავი ვერსიები. ინტერნეტში გამოქვეყნებული ვიდეო, რომელშიც სოსო ოსორაული ოჯახს მიმართავს, ძველ ჩანაწერად ცხადდება.
ქართული მხარე ახლაც ამოწმებს, რეალურია თუ არა აფრიკიდან მიღებული ინფორმაცია, რომლის მიხედვით ტყვე შეტაკებების დროს დაიღუპა.
კომენტარები