პარლამენტარი ოთარ ჩრდილელი, სოციალურ ქსელში პოსტს აქვეყნებს.
“ვუყურე, როგორ დაატარებდნენ წარსულის ლანდები პარტ-აქტივს. თან როგორ ცდილობენ, ხალხს შთააგონონ, რომ მხოლოდ ,,30 პარკინგს,, აკეთებს ინვესტორი, ნაცნარჩენებისთვის საძულველი ბიძინა. დიდ ახსნა-განმარტებას ვერ დავიწყებ, ვერც ბევრ დროს დავუთმობ ნაცმოძრაობის, რომელიღაც მოლეკულურ ფრთას, ორჯერ დავდე სხვადასხვა ვიდეორგოლი, რადგან წაკითხულიდან და დაწერილიდან აზრი ვერ გამოაქვთ, მეთქი გავუადვილებ და თვალსაჩინოს გავხდი, შეხედავენ, გაიგებენ მართლა რა ხდება თბილის-ქალაქს თქო. მაგრამ ეს ფრთა გამოირჩევა ,,ნაცკონსერვატულობით,,. მათთვის ისევ მიშაა პრეზიდენტი და ისევ 855-ით რეკავენ. იქ ჩარჩნენ…
მაო ძე დუნი ამბობდა: ,,მთაში, როდესაც ვეფხვი არ არის, მეფე მაიმუნი ხდება.,, ბერთოლეს მარილივით დაშლილ ,,ნაცმოძრაობაში,, ვეფხვს უკრაინაში მისტირიან, მაიმუნის ადგილზე კი მელია ჰყავთ.
მიშა, აწ უკვე გაჭრილი კარტის მდგომარეობაშიც კი პარტ-აქტივისთვის არის: ,,პეხოტაც,, ბელადიც და კინგმეიქერიც (პირი, რომელიც წყვიტავს ვინ იყოს კანდიდატი, პოლიტთანამდებობაზე). მიშამ გადაწყვიტა მერობის კანდიდატი ყოფილიყო ზალიკო, რომელმაც თავის მხრივ რატომღაც გადაწყვიტა, რომ მიშას ჩინურ მოდელად წარმდგარიყო საზოგადოების წინაშე, ეს რა შედეგსაც გამოიღებს დიდი ლოდინი არ დასჭირდება, პასუხი 21 ოქტომბერს შებინდებისას ეცოდინებათ.
ამ გუნდში საინტერესო პერსონაჟია, მითოსიდან (გად)მოვარდნილი რომან გოცირიძე, რომელიც უნიკუმია, ახერხებს და ხმა მეცო-სოპრანოზე გადაჰყავს, ხოლო შემდეგ იძლევა მითითებს ფსიქიატრიიდან დაწყებული, ბიუჯეტის განხილვით დასრულებული. ამ კომიკურ პერსონაჟებს, კიდე ხელიხელ საგოგმანებელი გოგო-ბიჭი ჰყავთ და ესაა მთელი მათი ინტელექტუალური ჯამაათი.
P.S. ვიდრე თბილისში, თავისი კოორდინატორების აქციას ატარებდა ზალიკო და მისი რაზმი, ნაცმოძრაობა ოთხმა მაჟორიტარობის კანდიდატმა დატოვა…
P. P.S. ჩაძირვა დაწყებულ ნაცმოძრაობას კიდე ერთხელ ვაფრთხილებ, თან სიხარულით: თქვენთვის ყველაზე ცუდი, შეიძლება აღმოჩნდეს, რომ არა თუ აღებული გაქვთ მცდარი კურსი, არამედ ნაპირი საერთოდ სხვა მხარესაა…”-წერს ჩრდილელი.