“ისლამური სახელმწიფო” ბელგიასა და საფრანგეთში ახალ ტერაქტებს გეგმავს. სააგენტო Reuters-ის ინფორმაციით, ბელგიის პოლიციამ მიიღო გაფრთხულება იმის შესახებ, რომ ისლამისტ მებრძოლთა ჯგუფი სირიიდან ევროპის მიმართულებით მიემგზავრება, ბელგიასა და საფრანგეთში თავდასხმების განსახორციელებლად.
როგორც Reuters-ი წერს, ბელგიის კრიზისულმა ცენტრმა შესაბამისი გაფრთხილება ქვეყნის პოლიციის ყველა განყოფილებას გაუგზავნა, თუმცა საფრთხის დონის მაქსიმალურამდე გაზრდა ჯერ არ იგეგმება.
რამდენიმე დღის წინ ბელგიურმა გამოცემამ La Derniere Heure-მა კრიზისულ ცენტრში საკუთარ წყაროზე დაყრდნობით გაავრცელა ინფორმაცია, რომ ტერორისტების ჯგუფმა დაახლოებით 10 დღის წინ სირია დატოვა და თურქეთისა და საბერძნეთის გავლით ცენტრალური ევროპისკენ გაემართა.
კომენტარები