ბულგარეთის პრემიერ-მინისტრმა, რუმენ რადევმა განაცხადა, რომ მისი მთავრობა რუსეთის მართლმადიდებელი ეკლესიის მეთაურის, პატრიარქ კირილეს ევროკავშირის სანქციების მომდევნო პაკეტიდან ამოღებას შეეცდება.
რადევმა ეს განცხადება ევროპული საბჭოს სამიტის წინ გააკეთა, სადაც ევროკავშირის ლიდერები რუსეთის წინააღმდეგ სანქციების ახალ პაკეტსა და უკრაინის უწყვეტ მხარდაჭერას განიხილავენ.
ეს სამიტი იქნება პირველი შემთხვევა, როდესაც უნგრეთს პრემიერ-მინისტრი პეტერ მადიარი წარადგენს, რომელმაც აპრილის არჩევნებში დაამარცხა თავისი წინამორბედი ვიქტორ ორბანი. ორბანის პოსტიდან ჩამოშორებამ ევროკავშირს უბიძგა, გადახედოს ყველა იმ მანამდე შემოთავაზებულ სანქციას, რომლებიც უნგრეთს ჰქონდა ბლოკირებული.
„მე ზოგადად პატრიარქი კირილე კი არ მაინტერესებს, არამედ რუსეთის მართლმადიდებელი ეკლესია, რადგან რუსეთის მართლმადიდებელმა ეკლესიამ წვლილი შეიტანა ჩვენს გათავისუფლებაში ოსმალეთის ხუთსაუკუნოვანი მონობისგან“, – განუცხადა რადევმა ჟურნალისტებს.
როდესაც პოზიციის დაზუსტება სთხოვეს, ბულგარეთის პრემიერმა განაცხადა: „ბულგარეთი მოითხოვს პატრიარქ კირილეს ამოღებას სანქციების პაკეტიდან“.