ესპანეთის ცენტრალურმა ხელისუფლებამ კატალონიის მთავრობა გადააყენა.
გარდა ხელისუფლებისა, თანამდებობიდან დაითხოვეს კატალონიის პოლიციის უფროსი ხოსე ლიუს ტრაპერო. ესპანეთის პრემიერ-მინისტრის მარიანო რახოის განცხადებით, აღნიშნული გადაწყვეტილება რეგიონში ნორმალური ვითარების აღდგენას ისახავს მიზნად.
ესპანეთის მთავრობის გადაწყვეტილებით, კატალონიის რეგიონში ვადამდელი არჩევნები 21 დეკემბერს გაიმართება.
დღეს კატალონიის ჟენერალიტეტმა (პარლამენტი) ესპანეთისგან გამოყოფის შესახებ ოფიციალურად განაცხადა. დეკლარაციას ხმა 72-მა დეპუტატმა მისცა. წინააღმდეგი იყო 10. ორმა თავი შეიკავა. დანარჩენმა დეპუტატებმა კენჭისყრას ბოიკოტი გამოუცხადეს (სულ 135 დეპუტატი).
კომენტარები