შს მინისტრის ყოფილი პირველი მოადგილე, 2016 წელს პარლამენტის დეპუტატობის კანდიდატი ავთანდილ (ზურაბ) ჩხაიძე ოზურგეთელებს ოზურგეთის მერობის დამოუკიდებელი კანდიდატის, კონსტანტინე შარაშენიძის მხარდასაჭერად კიდევ ერთხელ მოუწოდებს:
12 ნოემბერს ოზურგეთში ადგილობრივი არჩევნების მეორე ტური გაიმართება. ოზურგეთლებმა უნდა გადაწყვიტონ ვინ იქნება მომავალ ოთხ წელს მუნიციპალიტეტის მერი. ერთი რიგითი ამომრჩეველი მეც გახლავართ და თავიდანვე გადავწყვიტე მხარი ბატ. კოტე შარაშენიძისთვის დამეჭირა.იმიტომ რომ როგორც მიმაჩნია სიმართლე აშკარად მის მხარესაა. მიუხედავად სახელისუფლებო კანდიდატის მომხრეთა მხრიდან არნახული ზეწოლებისა საზოგადოება არ დაეცა, არ გატყდა და ბრძოლა გრძელდება! თუმცა როგორც აღმოჩნდა, რომ თურმე კოტე შარაშენიძის მხარდამჭერები ყველანი ერთად “გაერთიანებული ბოროტება” ვყოფილვართ! ასე შეგვაფასა ბატონმა ბეგიმ, რომელსაც როგორ სჩანს, თავი ყინწვისის ანგელოზად წარმოუდგენია!არადა სხვა თუ არაფერი კარგად მახსოვს გასულ წელს ჩატარებულ საპარლამენტო არჩევნებში რას სჩადიოდა მისი ხელმძღვანელობით მოქმედი შტაბი. ამიტომ კიდევ ერთხელ მივმართავ ოზურგეთის მოსახლეობას რომ 12 ნოემბერს დავდგეთ სიმართლის მხარდასაჭერად კოტე შარაშენიძის გვერდით და “გაერთიანებულმა ბოროტებმა” თავისი ადგილი მიუჩინოთ ამ ცრუ” ანგელოზებს”!
www.guriismoambe.ge