გომბორის უღელტეხილზე, ავტოსაგზაო შემთხვევის შედეგად, 35 წლის მამაკაცი დაიღუპა, ერთი კი დაშავდა.
შემთხვევა გუშინ საღამოს მოხდა. ერთმანეთს ორი მსუბუქი ავტომანქანა შეეჯახა.
გარდაცვლილი თელავის მუნიციპალიტეტის სოფელ ყარაჯალის მკვიდრია.
დაშავებულები სასწრაფო-სამედიცინო დახმარების ბრიგადამ თბილისის პირველ კლინიკურ საავადმყოფოში გადაიყვანა.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
კომენტარები