“ეს იყო ნიშანი იმისა, რომ სისხლისღვრა მოხდებოდა, შევეცადე ეს შემეჩერებინა”

გია მაისაშვილი გადაცემა „იმედის დროში” მისთვის ყველაზე უსიამოვნო შემთხვევას იხსენებს, რომელმაც მის ჯანმრთელობაზე ძალიან დიდი გავლენა იქონია.

„ფიზიკური ტრავმა რომელიც 2009 წლის 6 მაისს მივიღე, როდესაც პოლიციის შენობის დაძლევა ხდებოდა, ახალგაზრდების გადაძრომა და ეს იყო ნიშანი იმისა, რომ სისხლისღვრა მოხდებოდა, შევეცადე ეს შემეჩერებინა.

გავიგე პოლიციელის ხმა- ბატონო გია! მოვიხედე და დავინახე ნიღბიანი პოლიციელი, დაახლოებით 10-12 მეტრის მანძილიდან მესროლა ეს პლასტიკური ტყვია.”- განაცხადა მაისაშვილმა.

ახლა რომ დავფიქრდეთ, ღირდა ჯანმრთელობის ფასად?- ჟურნალისტის შეკითხვას მაისაშვილმა ასე უპასუხა:

„რა საკვირველია არ ღირდა, უბრალოდ შემრცხვა იქიდან წამოსვლა, როცა დავინახე, რომ ეს ბავშვები მიძვრებოდნენ და იქ აღარავინ აღარ იყო პატრონი.”