უნგრეთის პრემიერ-მინისტრმა ვიქტორ ორბანმა ევროპაში თავშესაფრის მისაღებად ჩასულ ლტოლვილებს „მუსლიმი დამპყრობლები“ უწოდა და განაცხადა, რომ მისი ქვეყანა მომავალში მიგრანტებს არ მიიღებს.
ვიქტორ ორბანი მიიჩნევს, რომ მუსლიმთა ნაკადი სახელმწიფოში „პარალელურ საზოგადოების“ შექმნას გამოიწვევს.
„ჩვენ არ მივიჩნევთ ამ ხალხს მუსლიმ ლტოლვილებად. ჩვენ მათ მუსლიმ დამპყრობლებად მივიჩნევთ“, – განუცხადა ვიქტორ ორბანმა გერმანულ გამოცემას Welt.
მან ასევე მოუწოდა ევროკავშირის წამყვან ქვეყნებს უნგრეთისადმი პატივისცემა გამოიჩინონ. მისი თქმით, ევროკავშირის უამრავი ქვეყანა უნგრეთის ხელისუფლებას ადანაშაულებს იმაში, რომ უნგრეთი ევროკავშირის ფონდებიდან თანხებს იღებს, თუმცა დევნილებს არ იღებს.
კომენტარები