რუსეთის პრეზიდენტმა ვლადიმერ პუტინმა კომუნიზმი ქრისტიანობას შეადარა, მავზოლეუმში განთავსებული ლენინის ნეშტი კი წმიდა ნაწილებს.
„ლენინი მავზოლეუმში დაასვენეს. რით განსხვავდება ეს წმინდანთა ნაწილებისგან? როდესაც მეუბნებიან, რომ ქრისტიანობას ასეთი ტრადიცია არ აქვს, არ არის მართალი. როგორ არ აქვს. ათონის მთაზე გაემგზავრეთ, ნახეთ იქ წმინდანთა ნაწილები. აი ჩვენ კი აქ გვაქვს წმინდა ნაწილები,“- განაცხადა პუტინმა.
რუსეთის პრეზიდენტმა ასევე აღნიშნა, რომ კომუნიზმის იდეოლოგია, რომელიც საბჭოთა კავშირში ააშენეს, ძალიან ჰგავს ქრისტიანობას.
„ახლა შეიძლება რაღაც ისეთი ვთქვა, რაც სხვებს არ მოეწონებათ, მაგრამ ვიტყვი იმას, რასაც ვფიქრობ. კომუნისტური იდეოლოგია ძალიან ჰგავს ქრისიტიანობას. თავისუფლება, თანასწორობა, მეგობრობა, სამართლიანობა – ყველაფერი, რაც წმინდა წერილშია, კომუნიზმშიც იყო“, – განაცხადა პუტინმა.