ტრამპი ამერიკაში გვიან ვადებზე აბორტების აკძალვას ითხოვს

აშშ–ს პრეზიდენტმა დონალდ ტრამპმა გვიან ვადებზე აბორტის საერთო ეროვნული აკრძალვისკენ მოუწოდა. ის აბორტების წინააღმდეგ ვაშინგტონში მიმდინარე აქციის მონაწილეების წინაშე ვიდეკავშირით წარსდგა. „აშშ ჩინეთთანდა ჩრდილო კორეასთან ერთად იმ შვიდ სახელმწიფოს შორისაა, რომლებშიც გვიან ვადებზე აბორტი დაშვებულია. ეს არასწორია და უნდა შეიცვალოს“–განაცხადა აშშ–ს პრეზიდენტმა.
ამას გარდა, ტრამპმა განაცხადა, რომ მისი ადმინისტრაცია ყოველთვის დაიცავს პირველ უფლებას, რომელიც დამოუკიდებლობის დეკლარაციით არის გამაგრებული და ეს სიცოცხლის უფლებაა. ის პირველი პრეზიდენტი გახდა, რომელმაც მარშის მონაწილეებს მიმართა. პრეზიდენტმა თხოვნით მიმართა სენატს, შეიმუშავონ და მას ხელმოსაწერად გადასცენ საერთო ეროვნული კანონი გვიან ვადებზე აბორტების აკრძალვის თაობაზე.
სიცოცხლის მარშში, რომელიც ვაშინგტონში ყოველწლიურად იმართება, ორგანიზატორების მონაცემებით, ასი ათასზე მეტი ადამიანი მონაწილეობს.