ძაღლი ყეფს, ქარავანი მიდის, – ასე გამოეხმაურა რუსეთის პრეზიდენტი ვლადიმერ პუტინი აშშ-ის სახაზინო დეპარტამენტის მიერ „შავი სიის“ გამოქვეყნებას.
პუტინის თქმით, საწყენია, რომ თავად შავ სიაში არ მოხვედრილა.
რუსეთის პრეზიდენტის თქმით, ე.წ. კრემლის სიის თითოეული ფიგურანტის უკან რუსეთის რიგითი მოქალაქეები დგანან.
„გამოდის, ამ სიაში ქვეყნის მთელი მოსახლეობა შეიყვანეს“, – აღნიშნა ვლადიმერ პუტინმა.
აშშ-ის სახაზინო დეპარტამენტმა რუსი პოლიტიკოსებისა და ბიზნესმენების „შავი სია“ გამოაქვეყნა.
ნუსხაში ის პირები არიან ჩამოთვლილი, რომელთა წინააღმდეგაც, შესაძლოა, სანქციები დაწესდეს. სიაში სულ 210 პირია, მათ შორის 114 რუსი პოლიტიკოსი და 96 ბიზნესმენი.
კომენტარები