სააპელაციო სასამართლომ იური ვაზაგაშვილის მკვლელობის ბრალდებით გასამართლებული გია სოსანაშვილის განაჩენი ძალაში დატოვა.
სააპელაციო სასამართლოს ცნობით, სააპელაციო სასამართლოში საჩივარი ბრალდების მხარესაც ქონდა შეტანილი და დაცვის მხარესაც. კერძოდ, პროკურატურა გია სოსანაშვილისთვის მიმართ სასჯელის დამძიმებას ითხოვდა.
როგორც სააპელაციო სასამართლოში აცხადებენ, სასამართლომ არც ერთი მხარის საჩივარი არ დაკმაყოფილა და პირველი ინსტანციის სასამართლოს გადაწყვეტილება უცვლელად ძალაში დატოვა.
„რაც შეეხება განაჩენის დასაბუთებას, მოსამართლეს 14-დღიანი ვადა აქვს მიცემული, რომ დაწეროს დასაბუთებული განაჩენი“, – აცხადებენ სასამართლოში.
მათივე თქმით, გია სოსანაშვილის ადვოკატს სააპელაციო სასამართლოს მიერ მიღებული გადაწყვეტილების უზენაესში გასაჩივრებისთვის დღეიდან ერთთვიანი ვადა აქვს მიცემული.
გია სოსანაშვილს სოფელ ყარაფილაში აფეთქების ორგანიზებისთვის დამამძიმებელ გარემოებებში განზრახ მკვლელობის მუხლით 20 წლით თავისუფლების აღკვეთა აქვს მისჯილი.