შეერთებული შტატების ჩრდილო-აღმოსავლეთ სანაპიროს ძლიერმა შტორმმა გადაუარა. სტიქიას, წინასწარი მონაცემებით, 5 ადამიანი ემსხვერპლა. უმეტესობა მათგანი ხეების წაქცევის შედეგად დაიღუპა.
სტიქიის ზონაში 2 მილიონზე მეტი ადამიანი ელექტროენერგიის გარეშეა დარჩენილი. ძლიერმა ქარმა, რომლის სიჩქარეც საათში 150 კილომეტრს აღწევს, ავიამიმოსვლა და სარკინიგზო მოძრაობაც შეაფერხა.
ნიუ-იორკის, ფილადელფიისა და ბოსტონის აეროპორტებში 3 ათასზე მეტი ავიარეისი გადაიდო. ადგილობრივმა ხელისუფლებამ მოსახლეობა წყალდიდობის საფრთხის შესახებაც გააფრთხილა.
კომენტარები