გერმანიის შინაგან საქმეთა ახალი მინისტრი ჰორსტ ზეეჰოფერი ინიციატივით გამოდის, დაჩქარდეს არალეგალი მიგრანტების დეპორტაციის პროცედურები.
მინისტრის თქმით, არსებობს იმ უცხოელების დეპორტაციის რეალური პრობლემა, რომელთაც გერმანიაში თავშესაფრი ვერ მიიღეს.
„რატომ ხდება ასე? რომელი კანონები და პროცედურებია აუცილებლად შესაცვლელი?“ – იკითხა ზეეჰოფერმა და დაამატა, რომ შესაბამისი ზომების მიღებას აპირებს.
მისივე თქმით, ამ ზომებში შევა იმ ქვეყნებთან შეთანხმებების გაფორმება, საიდანაც მიგრანტები ჩადიან, ასევე მოსამართლეთა შემადგენლობის გაძლიერება და გაზრდა.
გარდა ამისა, აუცილებელია სამედიცინო მოწმობებთან დაკავშირებულ მაქინაციებთან გამკლავება და მიგრანტების იდენტიფიკაციასთან დაკავშირებული პრობლემების გადაწყვეტა.
კომენტარები