თბილისის საკრებულოს ყოფილი დეპუტატი სოსო მანჯავიძე ტელეკომპანია „კავკასიას” გენერალური დირექტორის ნინო ჯანგირაშვილის მისამართით სოციალურ ქსელში შემდეგი სახის პოსტს აქვეყნებს:
„მოკლედ, ეს „ლიბერალური საზოგადოება” გააფთრებული იბრძვის იმისთვის, რომ მათთვის მიცემული ტელეეკრანებიდან განუწყვეტლივ აფურთხონ სულში საქართველოს, დაეჯღანონ, გაამწარონ, ენა გამოუყონ, საჯაროდ გმონ ღმერთი და ეს სიტყვის თავისუფლებად გამოაცხადონ.
თუ ვინმე ამ სისაძაგლის წინააღმდეგ ხმას აიმაღლებს ან ხელს გამოიღებს, მისთვის მზადაა შიმშილი და ციხე.
ეს ყველაფერი გასაგები იქნებოდა, მხოლოდ სოროსის ფულის მონებთან რომ გვქონდეს საქმე.
უხდიან და იხდიან. ეს ჩვეულებრივი საქციელია უპრინციპო ადამიანისთვის – სამშობლოს ან მეგობრის ფულზე გაყიდვა.
ამდენი მოხალისე ზნეობრივი ინვალიდი საიდან იჩეკება, ესაა კითხვათა კითხვა”, – წერს მანჯავიძე.
„რა დააკლდება თამარ მეფეს, თუ მას პრეზერვატივზე გამოსახავენ?” – განაცხადა ნინო ჯანგირაშვილმა.