“ეჭვი არ შეგეპაროთ, რუსეთი დასავლეთის ქვეყნების უტიფრობას და რუსი დიპლომატების გაძევებას შესაბამის პასუხს გასცემს”

რუსეთი არ მოითმენს დასავლეთის ქვეყნების მხრიდან უტიფრობას და რუსი დიპლომატების გაძევებას შესაბამის პასუხს გასცემს, – ამის შესახებ „ტასს“ რუსეთის საგარეო საქმეთა მინისტრმა სერგეი ლავროვმა განუცხადა.
„ვუპასუხებთ, ეჭვი არ შეგეპაროთ. ასეთი უტიფრობის მოთმენა არავის სურს და არც ჩვენ ვაპირებთ ეს ვითმინოთ“, – განაცხადა ლავროვმა.
აღსანიშნავია, რომ სერგეი სკრიპალის მოწამლვის გამო, დიდ ბრიტანეთთან სოლიდარობის ნიშნად აშშ, კანადა, ავსტრალია და ევროპული ქვეყნები 135 რუს დიპლომატს გააძევებენ.