„ლიფტში თავდასხმის შედეგად დაშავებული 13 წლის მოზარდის ჯანმრთელობის მდგომარეობა სტაბილურია”, – ამის შესახებ „ინტერპრესნიუსს” იაშვილის სახელობის ბავშვთა საავადმყოფოში განუცხადეს.
„მოზარდის ჯანმრთელობის მდგომარეობა სტაბილურია. მკურნალობას ნევროლოგიურ დეპარტამენტში ტვინის შერყევის დიაგნოზით განაგრძობს. ასევე, მიმდინარეობს მკურნალობა თვალზე. იმყოფება მუდმივი მონიტორინგის ქვეშ”, – აცხადებენ საავადმყოფოში.
თბილისში, ვაჟა-ფშაველას მე-7 კვარტალში, აზერბაიჯანის რესპუბლიკის მოქალაქე არასრულწლოვან ბიჭს თავს დაესხა. მოზარდი ნაცემია.
შინაგან საქმეთა სამინისტროს ინფორმაციით, გამოძიება სსკ-ის 126-ე მუხლის მე-2 ნაწილის „დ” ქვეპუნქტით მიმდინარეობს, რაც წინასწარი შეცნობით არასრულწლოვნის მიმართ ძალადობას გულისხმობს.
კომენტარები