დღეს, ტერორიზმის საქმეზე დაკავებულთა საქმის პირველი არსებითი განხილვა გაიმართება. პროცესი 15:00 საათზეა დანიშნული.
პროცესს ექვსი ბრალდებულიდან ხუთი დაესწრება – შოაიპ ბორზიევი, ანატოლი ბერძენიშივილი, რამაზ მარგოშვილი, რუსლან ალდამოვი და ზურაბ იდოიძე, კიდევ ერთი ბრალდებული რუსლან შავაძე კი ამ დრომდე იმალება.
საქმეზე დაკავებულია კიდევ ორი პირი ბადურ ჩოფანაშვილი და ზურიკო გორნაკაშვილი, თუმცა მათი საქმე ცალკე ეპიზოდადაა გამოყოფილი.
შეგახსენებთ, რომ გაბრიელ სალოსის ქუჩაზე სპეცოპერაცია 22 ნოემბერს ჩატარდა. სახელმწიფო უსაფრთხოების სამსახურის ინფორმაციით, დაკავებულია 1 ადამიანი, ხოლო სამი მოკლულია. სპეცოპერაციისას დაკავებული პირი საედ დუდაევია.
სპეცოპერაციის დროს, სამართალდამცველებსა და ტერორიზმში ეჭვმიტანილებს შორის შეტაკებას ერთი სპეცრაზმელი ემსხვერპლა, ოთხი კი დაიჭრა.