ვებსაიტების ქართულ მისამართებს, ანუ, .ge-ზე დაბოლოებულ დომენებს, დღემდე კავკასუს ონლაინი არეგისტრირებდა. ყველა ორგანიზაციას თუ ფიზიკურ პირს, ვისაც .ge მისამართი აქვს დარეგისტრირებული (.gov.ge დომენების გარდა), კავკასუსი ამ სერვისს registration.ge-ს საშუალებით უწევდა.
2018 წლის 16 აპრილიდან კი, კავკასუს ონლაინი მხოლოდ .ge ზონის ადმინისტრატორი იქნება. დომენის რეგისტრაცია კი, სხვა კომპანიებთან მოხდება, რომლებიც ბაზარზე ნელ-ნელა გამოჩნდებიან. ამის შესახებ On.ge წერს.
თუ თქვენ გაქვთ .ge-ზე დაბოლოებული დომენი, მისი ახალ რეგისტრატორთან გადატანა მოგიწევთ.
ამ პროცესს დომენის ტრანსფერი ჰქვია. ტრანსფერი ნებისმიერ ორ რეგისტრატორს შორის შეიძლება მოხდეს. პირობითად, თუ თქვენი დომენი დაარეგისტრირეთ კომპანიაში “abc.ge”, მაგრამ შემდეგ, მოგინდათ მისი გადატანა კომპანიაში “xyz.ge” (ვთქვათ, უკეთესი ფასების გამო) — უნდა მოახდინოთ დომენის ტრანსფერი.
სადღეისოდ, რადგან ყველა .ge დომენის რეგისტრატორი კომპანია კავკასუს ონლაინია (registration.ge) და იგი რეგისტრაციის მომსახურებას აღარ გააგრძელებს, თქვენი დომენის “პატრონად” ახალი რეგისტრატორი კომპანია უნდა აარჩიოთ.
დომენების მფლობელებისთვის, დამატებითი ხარჯი, გარდა დომენის სტანდარტული წლიური ღირებულებისა, მინიმალური (ან, ნულოვანი) იქნება.
იმედი ნიუსი