ირმა ინაშვილი ზურაბ ბიგვავას მიერ, გაკეთებულ კვლევებს ეხმაურება.
“ბატონი ბიგვავას ე.წ. კვლევა გვარწმუნებს, რომ დავით ბაქრაძეს რეიტინგი მთელი 21%- ი აქვს, ხოლო ნაცმოძრაობას- დაახლოებით 13% , ანუ ბაქრაძე საკუთარ პარტიას მთელი 8 %- ით უსწრებს. ვინმეს ამისი გჯერათ?! ანალოგიურად, კვირიკაშვილს 42, ხოლო “ქართულ ოცნებას”- 35%-ი აქვს, ანუ კვირიკაშვილიც საკუთარ პარტიას მთელი 7%- ით უსწრებს. ვფიქრობ, არც ესაა დამაჯერებელი. ბიგვავას განცხადებით, “ქართულ ოცნებას” 35%-ი აქვს, ნაცმოძრაობას-13%- ი, ხოლო 14%- ს არ გადაუწყვეტია, ვის დაუჭერს მხარს. ჯამში, ეს 62%- ია. დარჩა 38%- ი, რაზეც ბატონი ბიგვავა სდუმს. მის ნაცვლად მე გეტყვით და გეტყვით სიმართლეს: “ქართულ ოცნებას” ამჟამად 33%- ი აქვს. მეორე ადგილზე ” საქართველოს პატრიოტთა ალიანსია”, ანუ ჩვენ. “ქართულ ოცნებასა” და ჩვენს შორის სხვაობა ძალიან მცირეა და ოქტომბრამდე ჩვენ მათ გადავუსწრებთ. ჩვენს მაჩვენებელს განზრახ არ ვწერ. ვიცი, როგორ ღიზიანდება “ქართული ოცნებაც” და ნაცმოძრაობაც. ზოგიერთს, შეიძლება, გულიც გაუსკდეს. მაგ. ლევან სტუკაჩოვ- ბერძენიშვილს. არ მინდა ვინმეს გულის გასკდომის მიზეზი გავხდე. ნაცმოძრაობას, რა თქმა უნდა, 13%-ი არა აქვს. მას ბარიერის გადალახვის პრობლემა აქვს. ეს ყველამ იცის და ივანიშვილმაც ღიად თქვა. დარჩენილი პროცენტები სხვა პარტიებმა უნდა გადაინაწილონ (ერთს კი გეტყვით, რომ რესპუბლიკური პარტია ბარიერს ვერ გადალახავს ), მაგრამ ბატონ ბიგვავას მაინც და მაინც ნაცმოძრაობის სიცოცხლის გახანგრძლივება სურს. თუმცა, პატივცებული ბიგვავა, ალბათ, არც რესპების გადარჩენაზე იტყოდა უარს”-წერს ინაშვილი.
