გავრცელებული ცნობით, ერევანში 300-მდე მომიტინგეა დაკავებული
ერევანში საპროტესტო აქცია გრძელდება. დემონსტრანტები პრემიერმინისტრის სერჟ სარგსიანის გადადგომას მოითხოვენ, რომელიც საპრეზიდენტო ვადის ამოწურვის შემდეგ, პრემიერის თანამდებობაზე აირჩიეს.
აქცია ამ წუთებშიც მიმდინარეობს და სიტყვით გამომსვლელები პოლიტიკური ლიდერების გათავისუფლებას ითხოვენ, მათ შორის ნიკოლ პაშინიანისას, რომელიც დღეს სარგსიანთან გამართული შეხვედრიდან მალევე დააკავეს.
ადგილობრივ მედიაში ვრცელდება ინფორმაცია იმის შესახებ, რომ შესაბამისმა სტრუქტურებმა შესაძლოა მომიტინგეები დაარბიონ. გავრცელებული ცნობით, ერევანში ჯამში, აქციის 300-მდე მონაწილეა დაკავებული.
აქციები ერევანში 13 აპრილს დაიწყო. დემონსტრანტები სერჟ სარგსიანის პრემიერმინისტრობას აპროტესტებენ.
სომხეთის პარლამენტმა ქვეყნის პრემიერმინისტრად ყოფილი პრეზიდენტი სერჟ სარგსიანი 17 აპრილს დაამტკიცა.