შსს განცხადებას ავრცელებს

როგორც შინაგან საქმეთა სამინისტროს საპატრულო პოლიციის დეპარტამენტი წერს, მიმდინარე წლის 5 მაისს თბილისში, რიყის პარკსა და ევროპის მოედანზე ევროპის დღე აღინიშნება, რის გამოც, საზოგადოებრივი წესრიგისა და უსაფრთხოების დაცვის მიზნით, მიმდებარე ტერიტორიასა და გარკვეულ ქუჩებზე მოძრაობა აიკრძალება.

4 მაისს, 21 საათიდან ავტოტრანსპორტის მოძრაობა აიკრძალება:
• ევროპის მოედნიდან ღვინის აღმართის მიმართულებით;
• მეტეხის ტაძრის ცენტრალური შესასვლელიდან ევროპის მოედნის მიმართულებით;
• მეტეხის ქუჩაზე და წრიული მოძრაობა ევროპის მოედანზე.

5 მაისის 17:00 საათიდან 23:00 საათამდე მოძრაობა, ასევე, აიკრძალება გორგასლის მოედნიდან ევროპის მოედნის მიმართულებით.

ევროპის მოედანზე მოძრაობა ნაწილობრივ აღდგება 5 მაისის 00:00 საათიდან, ხოლო 6 მაისის 10:00 საათიდან – სრულად.