“ხორავას ქუჩის საქმის გამოძიებაში უცხოელი პროკურორები და ექსპერტები ჩაერთვებიან”

ხორავას ქუჩის საქმის გამოძიებაში, მეტი გამჭვირვალობის შესატანად, უცხოელი პროკურორები და ექსპერტები ჩაერთვებიან. ამის შესახებ, რამდენიმე წუთის წინ, საგანგებოდ დანიშნულ ბრიფინგზე მთავარმა პროკურორმა ირაკლი შოთაძემ განაცხადა.
“ზაზა სარალიძეს, მის ადვოკატთან ერთად, მიეცემა საშუალება, პირადად გაეცნოს საგამოძიებო ნაწილის მუშაობას და უცხოელი ექსპერტების და პროკურორებისგან მიიღოს ინფორმაცია გამოძიების მიმდინარეობაზე”, – განაცხადა ირაკლი შოთაძემ.
მისივე თქმით, გამოძიებამ და პროკურატურამ ყველაფერი გააკეთეს, რაც ამ ეტაპზე შესაძლებელი იყო.
შოთაძემ იმ 40 დღეზეც გაამახვილა ყურადღება, რომელსაც არასრულწლოვანთა მართლმსაჯულების კოდექსი ითვალისწინებს.
შოთაძის თქმით, ხორავას ქუჩის საქმეზე საქალაქო სასამართლოს მიერ მიღებულ გადაწყვეტილებას, პროკურატურა გაასაჩივრებს.