რამდენიმე წუთის წინ პარლამენტთან მიმდინარე აქციაზე ხორავას ქუჩაზე მოკლული ლევან დადუნაშვილის მამა მივიდა და შეკრებილ საზოგადოებას სიტყვით მიმართა.
“არასოდეს გამოვჩენილვარ აქციებზე და კამერებთან. მე აღმაშფოთა ერთმა ფაქტმა, წეღან გამოვიდა აქ ვიღაც ტიპი, რომელმაც ლევანის ნათლიად გაასაღა თავი. ეს არ უნდა ხდებოდეს. თუ თანადგომაა, თანადგომა იყოს. ავანტურებს და ამნაირ ავანტურისტებს აქ ადგილი არ უნდა ჰქონდეთ. მე ჩემი სათქმელი ეს მაქვს. მე ზაზას თანადგომას ვუცხადებ და მის გვერდში ვარ. ჩემი ტრაგედია და ზაზას ტრაგედია ერთია. მინდა ყველას მოგმართოთ, მოდი ის გამოძიება, რომელზეც კითხვები გვიჩნდება, იმის გამო, რომ ვიღაც-ვიღაცეები ტელევიზიით და სახლში შეკეტილები გვისმენენ, ჩვენს ემოციებს და ყველას მოგიქწოდებთ გამოვიდეთ ყელა, რომ გამოვიდეთ. რევოლუცია მე არ მაწყობს, მინდა ჩემი შვილის მკვლელი ბოლომდე დაისაჯოს. სამართლით მეც არ ვარ კმაყოფილი, მაგრამ არის ინსტანციები, სადაც გასარკვევია ეს ყველაფერი, მე არ ვარ ბოლომდე კმაყოფილი გამოძიებით, მაგრამ უნდა გამოიძიოს ეს იმ სახელმწიფომ, რომელ სახელმწიფოშიც ვცხოვრობთ” – განაცხადა დადუნაშვილის მამამ. აღნიშნულ კომენტარს აქციის მონაწილეების მხრიდან ხმაური მოჰყვა.