შს სამინისტროს ინფორმაციით, მიხეილ ხიდაშელი გამოკითხვაზე 180-ე, თაღლითობის მუხლით დაწყებული გამოძიების ფარგლებში იმყოფებოდა.
როგორც “კვირას” უწყებაში განუცხადეს, მისი გამოკითხვა სამინისტროში მთელი ღამის განმავლობაში მიმდინარეობდა და დღეს, დილით 09:00 საათზე დასრულდა.
მიხეილ ხიდაშელი შსს-ში ზვიად კუპრავას განცხადების შემდეგ დაიბარეს. კერძოდ კი, კუპრავამ რუსთაველის გამზირზე მიმდინარე აქციაზე განაცხადა, რომ თინა ხიდაშელის ძმა, რომელიც სუს-ში მუშაობდა და ცოტა ხნის წინ სამსახურიდან წამოვიდა, მათ დაუკავშირდა და განუცხადა, რომ ზაზა სარალიძის დაჭრა იგეგმებოდა.
სახელმწიფო უსაფრთხოების სამსახურის პრესსამსახურის უფროსის, ნინო გიორგობიანის განცხადებით კი მიშა ხიდაშელს სახელმწიფო უსაფრთხოების სამსახურში არასდროს უმუშავია.
კომენტარები