დავით დადუნაშვილს თავად ჰქონდა სურვილი მინისტრთან შეხვდრის, – ამის შესახებ შინაგან საქმეთა მინისტრ გიორგი გახარიასა და ხორავას ქუჩაზე მოკლული ლევან დადუნაშვილის მამის, დავით დადუნაშვილის შეხვედრის შემდეგ, დადუნაშვილის ოჯახის ადვოკატმა, ხათუნა მაღლაკელიძემ განაცხადა.
„ჩვენ არავის დავუბარებივართ, დავით დადუნაშვილს თვითონ ჰქონდა სურვილი მინისტრ გიორგი გახარიასთან შეხვედრის და მიეღო პასუხები იმაზე, რაც თვითონაც გაუჩნდა ამ ბოლო დროს განვითარებული მოვლენების შემდეგ. ჩვენ მივიღეთ პასუხი იმაზე, რომ ორი მიმართულებით მიმდინარეობს გამოძიება: ერთი, მოწმეზე ზემოქმედების ნაწილში და მეორე, შეუტობინებლობისნაწილში. როგორც გვითხრეს, ამ საქმეთა გამოძიება გაერთიანდება და დაიკითხებიან მოწმეები, რომლებიც იყვნენ შემთხვევის თვითმხილველები. უახლოეს პერიოდში გარკვეულ შედეგებს უნდა ველოდოთ“, – განაცხადა ხათუნა მაღლაკელიძემ.