“თეთრი ძაფები” ხორავას მკვლელობის საქმეში – “ბევრი ინტერესის თანხვედრას ქონდა ადგილი ამ საქმეში” – ლომჯარიას სკანდალური განცხადება

ბევრი ინტერესის თანხვედრას ჰქონდა ადგილი ამ საქმეში. ბევრი სხვადასხვა დაინტერესებული პირების ინტერესთა თანხვედრას შეიძლება ჰქონდა ადგილი – აცხადებს სახალხო დამცველი ხორავას ქუჩაზე, არასრულწლოვნების მკვლელობის საქმეზე საუბრისას. ნინო ლომჯარია გამოძიების ხარვეზებზე საუბრობს და ამბობს, რომ გარკევეული საგამოძიებო მოქმედებები, რომლებიც მნიშვნელოვანი იქნებოდა პროცესში, საერთოდ არ ჩატარებულა.
“ჩანს გამოძიების ეტაპზე ის თეთრი ძაფები, რაზეც საუბრობდა დაზარალებული მხარე. მოწმე იძლეოდა ისეთ ჩვენებას, რაზეც გამოძიება უნდა დაწყებულიყო, მაგრამ არ დაწყებულა. როდესაც მტკიცებულებები არ არის ამოღებული, როდესაც დაკითხვა აჩენს ეჭვს, დასმული შეკითხვები ან არდასმული შეკითხვები აჩენს ეჭვს. როდესაც არ ჩატარებულა ძირითადი საგამოძიებო მოქმედებები, მაშინ როდესაც ეს იყო ჩასატარებელი, არ ყოფილა მიქცეული ძალიან მნიშვნელოვან და ისეთ გარემოებებზე ყურადღება, რაზეც რამოდენიმე მოწმე საუბრობდა.
ბევრი ინტერესის თანხვედრას ჰქონდა ადგილი ამ საქმეში. ბევრი სხვადასხვა დაინტერესებული პირების ინტერესთა თანხვედრას შეიძლება ჰქონდა ადგილი. ამ საქმის გამოძიება არ არის მნიშვნელოვანი მხოლოდ ოჯახის წევრებისთვის, ამ საქმის გამოძიება არის მნიშვნელოვანი იმისათვის, რომ ეს სისტემა შეიცვალოს” განაცხადა ომბუდსმენმა.