„წითელ ხიდზე“ არადეკლარირებული სიგარეტი აღმოაჩინეს.
საბაჟო გამშვებ პუნქტში „წითელი ხიდი“ 7 ივნისს, საქართველოს ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქის ნ.ი.-ის კუთვნილი ავტომანქანისა და ბარგის დათვალიერებისას, ჯამში 900 ღერი, არადეკლარირებული სიგარეტი და 4,25 ლიტრი ალკოჰოლური სასმელი (არაყი) აღმოაჩინეს.
საქართველოს საგადასახადო კოდექსის 289-ე მუხლის მე-14-ე ნაწილის შესაბამისად, კანონდამრღვევ მოქალაქეს ნ.ი.-ის ჩამოერთვა საქონელი, სატრანსპორტო საშუალება და სანქციის სახით, ფულადი ჯარიმა, 1000 ლარის ოდენობით შეეფარდა.
კომენტარები