მოზარდების მკვლელობის საქმეზე სამხარაულის ექსპერტიზის ბიუროს ექსპერტი დაკითხვაზეა დაბარებული

შინაგან საქმეთა სამინისტროში, ხორავას ქუჩაზე მომხდარ მკვლელობის საქმის გამოძიების ფარგლებში, სამხარაულის ექსპერტიზის ბიუროს ექსპერტი დაკითხვაზეა დაბარებული. 
როგორც ცნობილია, ხორავას ქუჩაზე მომხდარი მკვლელობის საქმის გამოძიება პროკურატურიდან შინაგან საქმეთა სამინისტროში დაბრუნდა.
არასრულწლოვანის, ლევან დადუნაშვილის განზრახ მკვლელობაში დამნაშავედ ცნობილ გ.ბ-ს სასამართლომ 10 წელი 6 თვე მიუსაჯა, ხოლო დამამძიმებელ გარემოებაში არასრულწლოვან დავით სარალიძის განზრახ მკვლელობის მცდელობაში ბრალდებულ გ.ჯ.-ს 9 წელი და 9 თვე მიესაჯა. 
შეგახსენებთ, რომ ხორავას ქუჩაზე ორი მოზარდი 1-ელ დეკემბერს დაჭრეს. ლევან დადუნაშვილი საავადმყოფოში მიყვანამდე გარდაიცვალა, დავით სარალიძე კი ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს, საავადმყოფოში გარდაიცვალა.