ცნობილი გახდა, რომ ხორავას ქუჩაზე მომხდარი მკვლელობის ერთერთი მოწმე, მირზა სუბელიანი რომელიც შსს-მ რამდენიმე საათის წინ დააკავა. შინაგან საქმეთა სამინისტროს ინფორმაციით, მირზა სუბელიანი ბრალდებას აღიარებს. როგორც უწყების განცხადებაშია ნათქვამი, მირზა სუბელიანი დაკავებულია ხორავას ქუჩაზე მომხდარი მკვლელობის შეუტყობინებლობისთვის სისხლის სამართლის კოდექსის 376-ე მუხლით.
„რაც შეეხება მირზა სუბელიანს, გამოძიების ამ ეტაპზე დადგენილია, რომ 2017 წლის 1 დეკემბერს, მირზა სუბელიანი იმყოფებოდა ნათესავების, მკვლელობის საქმეში მოწმის და ბრალდებულის სტატუსის მქონე კალანდიების ოჯახში, სადაც ასევე იმყოფებოდა მკვლელობაში ბრალდებული გ.ჯ. საუბრისას მირზა სუბელიანისთვის ცნობილი გახდა ხორავას ქუჩაზე მომხდარი მკვლელობის და მკვლელობაში გ.ჯ.-ს მონაწილეობის შესახებ, რაც მან არ შეატყობინა სამართალდამცავ ორგანოებს. მირზა სუბელიანი აღიარებს ბრალდებას. აღნიშნული ფაქტის ირგვლივ გრძელდება საგამოძიებო მოქმედებები“, – ნათქვამია შსს-ს განცხადებაში.
შეგახსენებთ, რომ შსს-მ პროკურატურის ყოფილი მაღალჩინოსანი დააკავეს. ცოტა ხნის წინ, მასთან ადვოკატიც შევიდა. მირზა სუბელიანის დაკავების შესახებ შს მინისტრის მოადგილემ, დაკავებიდან რამდენიმე წუთის წინ ბრიფინგზე განაცხადა.