რუსეთის მართლმადიდებელმა ეკლესიამ განაცხადა, რომ კონსტანტინოპოლის პატრიარქი განხეთქილების შემომტანია. ამის შესახებ მოსკოვის საპატრიარქოს საგარეო საეკლესიო კავშირების თავმჯდომარემ მიტროპოლიტმა ილარიონმა განაცხადა.
„ის ფაქტი, რომ მსოფლიო პატრიარქმა აღიარა განხეთქილების შემომტანნი, ის თავად შეუერთდა განხეთქილებას. ასე მოქმედებს ეკლესიის წესები“, – განაცხადა მიტროპოლიტმა.
15 ოქტომბერს, რუსეთის მართლმადიდებელმა ეკლესიამ კონსტანტინოპოლის პატრიარქთან ევქარისტული კავშირი გაწყვიტა.
11 ოქტომბერს მსოფლიო საპატრიარქოს სინოდმა კიევის პატრიარქ ფილარეტის მიმართ ანათემა გაუქმებულად, ხოლო 1686 წელს მოსკოვის მიერ კიევის მიტროპოლიის ანექსია უკანონოდ გამოაცხადა. კიევის ეკლესიისთვის ავტოკეფალიის გადაცემის ოფიციალური პროცესი დაიწყო.
კონსტანტინოპოლის საპატრიარქოს მიერ უკრაინის ეკლესიისთვის ავტოკეფალიის მინიჭების შესაძლებლობას მართლმადიდებელ სამყაროში დაპირისპირება მოჰყვა.
საქართველოს საპატრიარქო მოსკოვისა და კონსტანტინოპოლის საპატრიარქოებს შორის უკრაინის ავტოკეფალიასთან დაკავშირებით პოზიციას ჯერ არ დააფიქსირებს. როგორც კათოლიკოს-პატრიარქის მდივანი, მიქაელ ბოტკოველი ამბობს, ოზიციის დაფიქსირებამდე საქართველოს მართლმადიდებელი ეკლესია შეისწავლის კონსტანტინოპოლის საპატრიარქოს პოზიციასაც და ამის შემდეგ ამ საკითხს სინოდის სხდომაზე განიხილავს.