ბელგიის ქალაქ მონსში, პოლიციამ მოძრაობა “ყვითელი ჟილეტების” 38 წევრი დააკავა. RTL-ის ინფორმაციით მოძრაობის წევრებმა შაბათს არეულობა მოაწყეს.
9 თებერვალს მონსში “ყვითელი ჟილეტების” აქცია გაიმართა. ქალაქში დაწყებული მსვლელობა, მოგვიანებით არეულობაში გადაიზარდა. მოძრაობის რამდენიმე წევრმა ქალაქის ექს-მერის და ბელგიის ყოფილი პრემიერ-მინისტრის, ელიო დი რუპოს სახლს პეტარდები დაუშინა.
პოლიციის მიერ გავრცელებული ინფორმაციის თანახმად, დემონსტრანტთა ამგვარმა ქმედებამ ყოფილი პოლიტიკოსის სახლი დააზიანა. “ყვითელი ჟილეტების” რამდენიმე წევრი იმავე დღეს, საფრანგეთის დედაქალაქ პარიზშიც დააკავეს.
კომენტარები