ქართული ოცნების“ მაჟორიტარი დეპუტატობის კანდიდატი მთაწმინდის ოლქში ლადო კახაძე აცხადებს, რომ მასსა და სხვა კანდიდატებს შორის გამარჯვებულს ამომრჩეველი გადაწყვეტს. როგორც კახაძემ „პალიტრანიუსის“ გადაცემაში „საღამოს ნიუსრუმი“ განაცხადა, სასტარტო პირობები სხვა კანდიდატებთან, მათ შორის შალვა შავგულიძესთან მიმართებაში უკეთესი აქვს.
„ამომრჩეველმა უნდა გადაწყვიტოს გამარჯვებულის ვინაობა. არასდროს პედესტალის მეორე საფეხურზე არ ვმდგარვარ. შალვა შავგულიძეს მივესალმები. შალვას კი აქვს ძლიერი მუხლები და კარგი ზურგი, მაგრამ ბევრი სიმძიმის ტარება მოუწევს. სასტარტო პირობები შალვასთან შედარებით, ჩემთვის უფრო იოლია“, – განაცხადა კახაძემ. მისივე თქმით, კონკურენცია დიდია, რაც მისასალმებელია.
„ყველა საკითხი, რომელიც ჩვენს შორის იქნება, განიხილება ურთიერთმოსმენით. არის საკითხები, სადაც მას აქვს დიდი გამოცდილება, მათ შორის იურიდიული საკითხები. არის საკითხები, რომელიც მე უფრო კარგად ვიცი“, – განაცხადა კახაძემ.