ჩვენ მაქსიმალურად ვცდილობთ, მნიშვნელობა არ აქვს რომელი მხარე იქნება, რომ ადამიანი არ დაზიანდეს, არ მოხდეს შეხლა-შემოხლა და განვარიდოთ ერთმანეთს, – ამის შესახებ საქართველოს შინაგან საქმეთა მინისტრმა აქციებთან დაკავშირებული საკითხის კომენტირებისას განაცხადა
„ხშირად ხდება, უმოქმედობაში ვართ, თუ გამოვალთ, ხელკეტსაც არ ვხმარობთ, რეზინის ტყვიებს, არც გაზს და ელემენტარულად ორჯერ წყალს მივასხმათ, ამაზეც გვლანძღავენ, როგორ შეიძლება სიცივეში წყლის გამოყენება. ახლა ვცდილობთ, რომ გავათბოთ წყალი და თბილი წყალი გამოვიყენოთ. ვმოქმედებთ, არ მოსწონთ, არ ვმოქმედებთ, არ მოსწონთ, რთულია. ჩვენ მაქსიმალურად ვცდილობთ, მნიშვნელობა არ აქვს რომელი მხარე იქნება, რომ ადამიანი არ დაზიანდეს, არ მოხდეს შეხლა-შემოხლა და განვარიდოთ ერთმანეთს“, – განაცხადა ვახტანგ გომელაურმა.
ვახტანგ გომელაური მცხეთის მერიასთანდა პარტია „ქართული ოცნების“ ოფისთან გუშინ განვითარებულ მოვლენებსაც გამოეხმაურა და აღნიშნა, რომ გამოძიება დაწყებულია.
საქმე აღიძრა და თუ დასაკავებელია, დააკავებენ ადამიანებს. მივიდნენ „ქართული ოცნების“ მომხრეები და გამოხატეს პროტესტი. სტიკერებს აკრავდნენ, თუ საღებავს ასხამდნენ, ეს მეორე თემაა. მოვიდა პოლიცია და დაპირისპირება მოუხდათ „ნაციონალურ მოძრაობასთან“ პირობითად. ვინ უნდა გაწიოს პოლიციამ ნაციონალური მოძრაობის ოფისიდან „ქართული ოცნების“ თუ „ნაციონალური მოძრაობის“ მომხრეები? “ ,- განაცხადა გომელაურმა.