საქართველოს პარლამენტის იურიდიულ საკითხთა კომიტეტის თავმჯდომარის ანრი ოხანაშვილის შეურაცხყოფასა და მუქარაში ბრალდებული ვახტანგ რობაქიძემ ახალციხის დროებითი მოთავსების იზოლატორი ცოტა ხნის წინ, 7000-ლარიანი გირაოს გადახდის შემდეგ დატოვა.
მორიგი სასამართლო სხდომა 11 თებერვალს ჩაინიშნა.
ცნობისთვის, ანრი ოხანაშვილსა და ვახტანგ რობაქიძეს შორის ინციდენტი 14 იანვარს მოხდა. დეპუტატის განმარტებით, ბაკურიანში ერთ-ერთ რესტორანში ვახშმობის დროს ვახტანგ რობაქიძემ მას სიტყვიერი შეურაცხყოფა მიაყენა და მასსა და მის ოჯახის წევრებს დაემუქრა.
მომხდარზე გამოძიება სისხლის სამართლის კოდექსის 151-ე და 239-ე მუხლებით მიმდინარეობს, რაც მუქარასა და ხულიგნობას გულისხმობს.
კომენტარები