საქართველოში ახალი კორონავირუსის შესაძლო გავრცელების აღკვეთის ღონისძიებების განსაზღვრის შესახებ საქართველოს მთავრობის 2018 წლის 12 დეკემბრის N580 დადგენილებით დამტკიცებული „საქართველოს თავდაცვის სამინისტროს დებულების“ მე-3 მუხლის მე-4 პუნქტის „ე“ ქვეპუნქტის საფუძველზე, ირაკლი ღარიბაშვილმა გამოსცა ბრძანება.
1. საქართველოში ახალი კორონავირუსის შესაძლო გავრცელების აღკვეთის მიზნით, საქართველოს თავდაცვის სამინისტროს ის მოსამსახურე, რომელიც ამ ბრძანების გამოცემამდე ბოლო ორი კვირის განმავლობაში იმყოფებოდა ან გამოცემის შემდეგ გეგმავს ვიზიტს ჩინეთის სახალხო, კორეის (სამხრეთ კორეა), ირანის ისლამურ ან/და იტალიის რესპუბლიკებში ან მითითებულ პერიოდში ზემოაღნიშნულ ქვეყნებში იმყოფებოდნენ/ან გეგმავენ მისი ოჯახის წევრ(ებ)ი ან მას(მათ) კონტაქტი ჰქონდა(თ) ამავე ქვეყნებიდან ჩამოსულ პირ(ებ)-თან არ გამოცხადდეს სამსახურში საქართველოში დაბრუნებიდან ორი კვირის განმავლობაში.
2. ამ ბრძანების პირველ პუნქტში მითითებულ პირს დაევალოს:
ა) შესაბამის სამკურნალო დაწესებულებებისთვის მიმართვა;
ბ) უშუალო ხელმძღვანელის ინფორმირება (ამ ბრძანების პირველ პუნქტში აღნიშნულ პირთა ვინაობის მითითებით) და სამკურნალო დაწესებულებების მიერ გაცემული საავადმყოფოს ფურცლის ტოლფასი სამართლებრივი შედეგების მქონე ცნობის სამსახურში წარდგენა.
3. დაევალოს საქართველოს თავდაცვის სამინისტროს ადამიანური რესურსების დეპარტამენტსა და საქართველოს თავდაცვის ძალების გენერალური შტაბის სამხედრო პერსონალის მართვის ცენტრს უზრუნველყონ ამ ბრძანების პირველ პუნქტში მითითებულ ქვეყნებში სამსახურებრივი მივლინებების გაუქმებისთვის/გადადებისთვის სათანადო ღონისძიებების განხორციელება შემდეგ განკარგულებამდე.
4. ბრძანების მიზნებიდან გამომდინარე, ამ ბრძანების პირველ პუნქტში მითითებულ მოსამსახურეს შეუნარჩუნდეს შრომითი ანაზღაურება.
5. კონტროლი ბრძანების შესრულებაზე დაევალოს საქართველოს თავდაცვის მინისტრის პირველ მოადგილეს ქალბატონ ლელა ჩიქოვანსა და საქართველოს თავდაცვის ძალების მეთაურს გენერალ-ლეიტენანტ ვლადიმერ ჩაჩიბაიას.
6. ბრძანება ძალაშია ხელმოწერის დღიდან.