ჯანდაცვის სამინისტროს ჰქონდა მიდგომა, რომ ყველა ტესტი, რომელიც იქნება გამოყენებული, შემოწმდეს ხარისხის ნაწილში. ამიტომ არის მობილიზებული ლუგარის ლაბორატორიის კონფირმაციული მექანიზმი, რათა ჩვენ გვქონდეს სრული გარანტია იმ პასუხებზე, რომლებსაც ვიღებთ, – ამის შესახებ ჯანდაცვის მინისტრის მოადგილე თამარ გაუნიამ მთავრობის ადმინისტრაციაში გამართულ ბრიფინგზე განაცხადა.
მისი თქმით, 1000 ტესტი, რომელიც, საქართველომ ჩინეთის მთავრობისაგან მიიღო, პი-სი-არ-ტესტია და მისი ხარისხი გარანტირებულია.
„ეს არის სხვა კომპანია და არა ის, რომელთანაც გვქონდა შეთანხმება ტესტების შესყიდვასთან დაკავშირებით. საჩუქარი მივიღეთ და მისი გამოყენება ხდება მაღალი სიზუსტით. რადგან ლუგარის ლაბორატორიას აქვს ის მექანიზმი, რომ დაადასტუროს თითოეული პასუხის სიზუსტე“, – აღნიშნა თამარ გაბუნიამ.