„ჩვენ ვლოცულობთ აშშ-ში დაინფიცირებული ქართველი სასულიერო პირებისთვის. ისინი ჩემი მეგობრები არიან. პარაკლისი დღესაც გადავიხადეთ მათი ჯანმრთელობისთვის.
გარდა ამისა, კორონავირუსით დაინფიცირებულების სია გვაქვს და მათი ჯანმრთელობისთვის ყოველდღიურად ვლოცულობთ“,- ამის შესახებ „პრაიმტაიმის“ პირდაპირ ეთერში ვაკის მაცხოვრის ფერიცვალების სახელობის ტაძრის წინამძღვარმა, მამა შალვა კეკელიამ განაცხადა.
მისი თქმით, ყველანაირად ცდილობს დაიცვას ყველა ის რეკომენდაცია, რომელიც მედიკოსების მხრიდან გაკეთდა.
„ყველანაირად ვცდილობ სოციალური დისტანცია დავიცვა, მაგრამ დაცული ბოლომდე არავინაა.
სანამ კორონავირუსი გავრცელდებოდა, ჩვენ მანამდეც დავდიოდით საავადმყოფოებში, ციხეებში და სასულიერო პირები ყოველთვის ვიყავით რისკის ჯგუფის ქვეშ.
უამრავი ვირუსი გადამიტანია, მაგრამ ამის გამო ღვთის მსახურებას მოვერიდო, მღვდლისთვის ეს წარმოუდგენელია.
ჩემი ცხოვრება რა არის, თუ არა თავგანწირვა?! მაქსიმალურად ვცდილობ ექიმების რეკომენდაციების დაცვას“,- განაცხადა მამა შალვა კეკელიამ.