თურქეთში სამუშაოს მსურველები სამთვიანი მოწვევით შეძლებენ საზღვრის კვეთას. მათ უშუალოდ დამსაქმებლისგან სჭირდებათ შესაბამისი დოკუმენტი, რის შემდეგაც აუცილებელია აპლიკაციის შევსება. განაცხადს სპეციალურად შექმნილი უწყებათაშორის სამუშაო ჯგუფი განიხილავს. მსურუველი საზღვრის კვეთაზე პასუხს ერთ კვირაში მიიღებს.
მთავრობის დადგენილებაზე განცხადება აჭარის ჯანდაცვის მინისტრმა ნინო ნიჟარაძემ გააკეთა. მისი თქმით, თურქეთიდან წარმოდგენილი მოწვევის საფუძველზე მსურველი ავსებს სააპლიკაციო ფორმას ელექტრონულად, რომელიც არის საკმაოდ მარტივი და მოითხოვს პირად ინფორმაციას, ასევე მოწვევის დოკუმენტის თარგმანს და ნოტარიულად დამოწმებულს.
„7 დღის ვადაში მსურველი მიიღებს პასუხს, დასტურის შემთხვევაში მას შეუძლია დატოვის საზღვარი. რაც შეეხება თუ როგორ მოხდება განხილვა, აჭარის მთავრობის მიერ შეიქმნება უწყებათაშორისი სამუშაო ჯგუფი, რომელშიც შევლენ საგარეო საქმეთა სამინისტროს, ფინანსთა სამინისტროსა და ჯანდაცვის სამინისტროს წარმომადგენლები. ამ ჯგუფუს მიერ მოხდება აპლიკაციის შესწავლა, მათი გადაწყვეტილება 7 დღის ვადაში აისახება სასაზღვრო გამშვებ პუნქტზე. ამის შემდეგ მსურველი უპრობლემოდ დატოვებს საზღვარს სამი თვის ვადით,”– განაცხადა ნიჟარაძემ.